O arcebispo de Santiago, monseñor Francisco Prieto, presidiu hoxe en Marín a Eucaristía en honra da Virxe do Carmen, patroa das xentes do mar. Previamente a esta celebración, mons. Prieto presidira a Santa Misa no Convento dos Carmelitas de Santiago á primeira hora da mañá.
«Coidade dos mares; coidade das súas xentes» é o lema co que a Igrexa celebra o Día das xentes do mar 2024. Esta xornada celébrase cada ano o 16 de xullo, coincidindo coa festa da súa patroa, a Virxe do Carmen.
