Día do Seminario: “Sacerdotes ao servizo dunha Igrexa en camiño”

Sacerdotes ao servizo dunha Igrexa en camiño» é o lema que centrará este ano o «Día do Seminario. A Iglesia celebra esta xornada o 19 de marzo, solemnidade de San Xosé.
O lema do Día do Seminario 2022 inspírase no proceso sinodal no que está inmersa a Igrexa. Así se explica na reflexión teolóxica que se inclúe entre os materiais. E matiza, «o Sínodo universal no que nos atopamos fainos a todos poñernos en camiño xuntos».
Xunto ao Sínodo, dúas palabras: sacerdotes e servizo.  Sacerdotes, en plural, «lembrándonos o sentido do seminario e chamándonos a acrecentar a nosa fraternidade. Os sacerdotes non fomos chamados para estar sós. O seminario ensínanos a importancia da comunidade e a necesidade de vivir unha sa fraternidade».
Ademais preséntase a vocación sacerdotal como servizo. No seminario, «os seminaristas aprenden a vivir o servizo e a servir aos irmáns, como parte integrante e fundamental da vocación. Os intereses egoístas e o proveito propio han de desterrarse e deben deixar lugar ao desenvolvemento dunha vocación recibida para ser entregada. Só desde a entrega a vocación recibe todo o seu sentido».

 

Mons. Julián Barrio, arcebispo de Santiago de Compostela