O arcebispo de Santiago preside os actos de inicio de curso nas institucións académicas diocesanas

  • Solemne inauguración do curso académico do ITC e do ISCCR.
Hoxe luns, 19 de setembro, tivo lugar a apertura do curso académico 2022-23 do Instituto Teolóxico Compostelán (ITC) e do Instituto Superior de Ciencias Relixiosas (ISCCR).
Ás 18:00h o arcebispo de Santiago, mons. Julián Barrio Barrio, presidía a Eucaristía na Capela do Seminario Maior. A continuación, no salón de actos do Instituto Teolóxico Compostelán, comezaba o acto académico. Nel interviña primeiramente o director do mesmo, José Antonio Castro, co saúdo inicial e un agradecemento encarecido ao Sr. Arcebispo pola súa preocupación e implicación con ambos os centros académicos durante todos estes anos.
Acto seguido, o secretario xeral do centro, Frei Miguel de la Mata, pasaba a realizar a lectura da memoria académica do curso 2021-22. A lección inaugural correu a cargo do profesor Ricardo Sanjurjo Otero, co título “O que se esconde nun oficio. As implicacións da presentación de Paulo como fabricante de tendas en Feit 18, 3”.
O acto concluía coas palabras do director do ISCCR, Miguel López, e a intervención final do prelado e a súa declaración solemne de inauguración do curso 2022-23. Á súa saída, os asistentes puideron gozar dun momento fraterno compartindo uns petiscos.
Neste curso, os seminaristas das dioceses galegas de Tui-Vigo uniranse ás aulas do ITC, xunto cos seminaristas da Diocese de Mondoñedo-Ferrol e da Orde dos Padres Somascos, que xa están presentes desde os últimos anos. Os seus respectivos reitores e superiores estiveron presentes, tal e como se pode ver na fotografía.