Desde o pasado día 1 de setembro, a parroquia de San Xulián da Illa de Arousa vén exercendo a titularidade do Centro Educativo “Sorrisas y lágrimas”. Dito Centro foi creado hai décadas polas Filla de Caridad de San Vicente de Paúl. Véndose elas obrigadas a pechar a comunidade por falta de relevo xeracional, chegaron a un acordo co Arcebispado de Santiago para que o colexio seguise funcionando en mans da Diocese.
Hoxe, 17 de outubro, o Arcebispo de Santiago de Compostela, mons. Francisco Prieto, inaugurou esta nova etapa que o colexio comeza. Ás cinco da tarde celebrouse a Eucaristía na Igrexa de San Xulián, uníndose á Xornada pola Paz en Terra Santa convocada polo patriarca latino de Xerusalén, cardeal Pierbattista Pizzaballa. Congregáronse alí a comunidade educativa (mestras, persoal de administración e servizos, alumnos e familias) e moitos membros da parroquia.
A temática escolar dos alumnos é, para este ano, o descubrimento do personaxe “O Principiño” de Antoine de Sant Exupéry. Este personaxe axúdalles a lembrar que se non somos como nenos non poderemos gozar do Reino de Dios. Agradecer o pasado, coidar o presente e proxectarnos con ilusión cara ao futuro foi o encargo que D. Francisco deixoulle á comunidade escolar.
Finalizada a Eucaristía celebrouse no salón de actos do centro un recital da Banda de música da Escola Naval Militar de Marín que marabillou aos presentes. Con xogos para os máis pequenos e un sinxelo ágape, deuse por concluída esta xornada tan especial para a parroquia arousá que traballa con empeño polos máis pequenos.
