- Na Coruña será en Santa Lucía ás 13h.
- En Pontevedra en Santa María a Maior ás 12:30h.
- En Santiago na parroquia de san Fernando ás 12h.
A Delegación de Pastoral Familiar convoca este domingo 26 de xuño unha eucaristía especial coincidindo coa clausura en Roma do X Encontro Mundial das familias.
A data é especialmente significativa porque as eucaristías celebraranse en comuñón coa Igrexa universal xa que, ao mesmo tempo, en Roma, o papa Francisco rezará o Ángelus e realizará o xesto de envío misioneiro ás familias presentes na Praza de San Pedro.
A Clausura do X Encontro Mundial pon fin, á súa vez, ao Ano Extraordinario da Familia decretado polo papa o día de San Xosé do ano pasado para conmemorar os cinco anos da publicación da Amoris laetitia.
Un tempo no que o papa quixo poñer as familias no centro da atención pastoral da Igrexa. Cristo convídanos hoxe, unha vez máis, a resistir a tentación da comodidade, a vencer os nosos medos. Convídanos a saír aos camiños para acoller os irmáns máis vulnerables, os empobrecidos, o orfo e a viúva, o estranxeiro… a calquera dos seus irmáns pequenos.
Desde o Evanxeo, o papa Francisco úrxenos a ser Iglesia en saída, sen medo ao fracaso, sen temor a mancharse na defensa dos débiles ou a perder prestixio, poder ou diñeiro. Porque para ser seguidores de Xesús temos que ser evanxelizadores.