Á primeira hora da tarde de hoxe, 18 de xullo de 2022, faleceu en Santiago de Compostela o bispo emérito de Tui-Vigo, Mons. José Diéguez Reboredo, que pastoreou esta diocese desde xullo de 1996 ao 28 de xaneiro de 2010. Actualmente axudaba como capelán das Irmanciñas dos Anciáns Desamparados en Santiago de Compostela. Hai uns días sufriu un derrame cerebral e houbo de ser hospitalizado de urxencia.
Mons. Diéguez será velado no tanatorio de Boisaca en Santiago de Compostela e o mércores día 20 ás 16,30 celebrarase a misa de corpore in sepulto na capela das Irmanciñas dos Anciáns Desamparados, ás que estivo a atender ata a súa enfermidade. Seguidamente será enterrado no cemiterio da parroquia de Enquerentes.
Os funerais na diocese de Tui-Vigo terán lugar o mércores día 27, ás 17 horas na catedral de Tui e ao día seguinte, na concatedral viguesa ás 18 horas.
O Deus da vida e da paz premie a súa entrega e xenerosidade.
Mons. Diéguez, bispo emérito de Tui-Vigo desde 2010
Naceu en Enquerente, A Coruña, o 25 de abril de 1934. Realizou os seus estudos eclesiásticos no seminario de Santiago de Compostela entre 1949-1961. Máis tarde, na Universidade Pontificia de Comillas e Salamanca realizou os seus estudos teolóxicos e pastorais (1972-1982). Ademais, licenciouse Ciencias Exactas pola Universidade de Santiago de Compostela en 1971.
O 28 de outubro de 1984 foi ordenado bispo de Osma-Soria, sede da que estivo á fronte ata 1987, cando foi nomeado bispo de Ourense. En 1996 foi nomeado bispo de Tui-Vigo, ata que en abril de 2009 presentou ao Papa a renuncia por motivos de idade, que lle foi aceptada o 28 de xaneiro de 2010.
Na CEE foi membro das Comisións Episcopais de Misións e Cooperación entre as Iglesias (1984-1990) e presidente da devandita Comisión entre 1990-1999. Tamén foi membro de Relacións Interconfesionales de 1999 a 2011. miembro de Relaciones Interconfesionales de 1999 a 2011.
