O arcebispo de Santiago de Compostela, mons. Julián Barrio, participou este martes no acto de inauguración do XII Congreso Internacional de Estudos Xacobeos, que se realizou no Salón real do Hostal dos reis Católico, e que reunirá a 50 investigadores de todo o mundo nos próximos días.
Nesta nova edición preténdese analizar o estado da peregrinación xacobea das últimas décadas en tres apartados fundamentais: o saber da investigación, o andar das redes de itinerarios e hospitais, e o crer da espiritualidade e devocións do Camiño.
Este evento que terá lugar do 23 ao 26 de marzo de 2022 está organizado polo Comité Internacional de Expertos do Camiño de Santiago e Turismo de Galicia.
