“A encrucillada de Europa: o Camiño de Santiago” é o título da conferencia que impartirá Mons. Francisco José Prieto Fernández en Roma. O acto terá lugar o vindeiro martes 24 de setembro ás 18:00 horas na sala de conferencias de la Iglesia nacional española de Roma.
O acto será a ocasión para presentar a Cátedra de Estudos Europeos “Camiño de Santiago” creada pola Fundación Pablo VI e a Arquidiocese de Santiago de Compostela no seo da Facultade de Ciencias Políticas e Socioloxía da Universidade Pontificia de Salamanca. O obxectivo da devandita Cátedra é poñer en valor o papel decisivo que o Camiño de Santiago tivo na vertebración de Europa e o que segue tendo hoxe como promotor da cultura do encontro.
