O bispo auxiliar, monseñor Francisco José Prieto Fernández, participou este xoves nun encontro na Casa Diocesana de Exercicios, na que explicou os contidos do Programa Pastoral Diocesano para o curso 2021/2022. Esta reunión forma parte dunha ampla axenda de encontros ao longo de todo o territorio da Arquidiocese, que nas últimas semanas desenvolveu o bispo auxiliar. No mesmo escenario, o delegado de Familia, Antonio Gutiérrez, informou sobre os obxectivos desta delegación diocesana, tras asumir recientemente a súa dirección xunto á súa esposa, Ana Robles.
Na presentación do Programa Pastoral, o arcebispo comenta que “non consideremos o plan pastoral como algo que todos os anos ao comezo do curso se presenta sen outro alcance. Interpretémoslo co don da fe que vivifica a oración, o apostolado, a pastoral, o testemuño”. Ademais, monseñor Julián Barrio pide a “todos os diocesanos asumir o compromiso do Plan Pastoral Diocesano tanto nos proxectos diocesanos como nos parroquiais. Arzobispo, Bispo Auxiliar, membros do Consello Episcopal, delegados diocesanos, párrocos, sacerdotes, diáconos, persoas da Vida Consagrada, catequistas, consello pastoral diocesano e consellos pastorais parroquiais, asociaciones e movementos eclesiais, todos os colaboradores nas actividades pastorais temos que secundar o Plan pastoral diocesano. Isto axudaranos a dar resposta ás preguntas que nos fan na nosa tarefa apostólica”.
