O arcebispo de Santiago preside a Misa de corpore in sepulto por mons. José Diéguez

Hoxe mércores, 20 de xullo, o arcebispo de Santiago de Compostela mons. Julián Barrio presidiu na capela das Irmanciñas dos Anciáns Desamparados a Misa de corpore in sepulto por mons. José Diéguez Reboredo, bispo emérito de Tui-Vigo. Á celebración asistiron os bispos mons. Leonardo Lemos, mons. Luís Quinteiro, mons. Manuel Sánchez Monge, mons Jesús Fernández, mons. Santiago Agrelo, mons. Vicente Jiménez Zamora, mons. Francisco Prieto, así como 80 sacerdotes das Dioceses de Santiago, Tuy-Vigo e Ourense, e un gran número fregueses.

Os funerais na diocese de Tui-Vigo terán lugar o mércores día 27, ás 17 horas na catedral de Tui e ao día seguinte, na concatedral viguesa ás 18 horas.

Mons. Diéguez faleceu o pasado luns en Santiago de Compostela. Foi bispo de Tui-Vigo desde xullo de 1996 ao 28 de xaneiro de 2010. Actualmente axudaba como capelán das Irmanciñas dos Anciáns Desamparados en Santiago de Compostela.