O arcebispo de Santiago, monseñor Francisco Prieto, presidiu este mércores a Vixilia da Inmaculada que, a nivel diocesano, organizou a Delegación de Infancia e Mocidade, na que participou a mocidade a partir de 14 anos cumpridos, acompañados dos seus párrocos, catequistas ou animadores.
A xornada iniciouse ás 11:00 da mañá, cun acto de acollida no Centro Social de Padrón. Posteriormente desenvolvéronse diversos obradoiros: New fire, CSI Pontevedra: Estivo aquí a Virxe María?, Afinando a túa vida, e A quen lle queres dar o teu corazón?
Tras a comida, os adolescentes e mozos puideron gozar de xogos e asistir a un Magazine antes da Festa do Perdón. A xornada terminou coa Eucaristía ás 20:30hs na Colexiata de Iria Flavia presidida por mons. Francisco Prieto. Estivo acompañado por mons. Julián Barrio Barrio, Arcebispo Emérito; Javier Porro, Vigairo de Pastoral; Luis Seoane, Vigairo Territorial de Pontevedra; Roberto Martínez, Arcipreste de Iria Flavia; Dani Custa, SJ; Javier García, Delegado de Mocidade; Ricardo Sanjurjo, Delegado de Pastoral Universitaria; Carlos Álvarez, Reitor do Seminario Maior; Formadores do Seminario, Sacerdotes doutras Dioceses e Sacerdotes do Arciprestado de Iria Flavia.
