O arcebispo de Santiago, monseñor Francisco Prieto, presidiu hoxe no Seminario Menor a solemne celebración eucarística en honra de San Rosendo, patrón desta institución docente diocesana. Estivo acompañado polo arcebispo emérito mons. Julián Barrio, os reitores dos dous Seminarios e outros sacerdotes.
Con esta celebración clausurábase a XI Semana Cultural do Seminario Menor, nesta ocasión dedicada á Arte de Comunicar, con actividades académicas, lúdicas, deportivas e a presenza de destacados relatores.
