O Bispo auxiliar explica na Coruña os contidos do Programa Pastoral Diocesana

O Bispo auxiliar, monseñor Francisco José Prieto Fernández, asistiu hoxe na Coruña a un encontro con sacerdotes desa Vicaría Territorial, na que os informou sobre os contidos do Programa Pastoral Diocesano para o curso 2021/2022. O Bispo auxiliar estivo acompañado polo delegado de Catequese, Miguel López Varela, e por Antonio Gutiérrez, delegado de Familia, que falaron sobre os obxectivos pastorais que se perseguen para o curso recentemente iniciado. As liñas básicas do programa pasan, a modo de resumo, por vivir o Ano Santo Compostelán e reiniciar e recuperar a vida pastoral e comunitaria en todos os niveis. No lema elixido, “Pola túa palabra botarei as redes”, recóllense os elementos clave deste programa: volver á vida nas parroquias; facelo con esperanza e confianza; recoñecer a importancia da apostolicidade que se singulariza no Ano Santo; e traballar en rede e en comuñón, na liña da sinodalidade trazada polo Santo Padre.