O Instituto Superior Compostelán de Ciencias Relixiosas celebra este curso académico o primeiro cuarto de século da súa historia. 25 anos nos que formou teológicamente por centos de laicos, moitos deles profesores de relixión en Galicia e noutras comunidades autónomas.
Coincidindo con esta efeméride, o Instituto celebra as súas tradicionais xornadas de Actualización Teolóxico Pastoral, este ano precisamente baixo o título xenérico: “25 anos formando o laicado e o profesorado de relixión”.
As xornadas comezarán este próximo martes, 19 de novembro. A profesora do centro e delegada de misións da arquidiocese, Fátima Noya, disertará sobre O lugar do ISCCR na formación dos laicos na diocese de Santiago de Compostela”.
A segunda conferencia, o martes 26 de novembro, correrá a cargo da actual delegada de Ensino e profesora de relixión en institutos públicos, Begoña Díaz, centrarase na importancia do ISCCR na formación do profesorado de relixión católica en Galicia.
O martes 3 de decembro pechará as xornadas Antonio Roura, director do Secretariado da Comisión Episcopal para a Educación e Cultura e da revísta “Relixión e Escola”.
Desde o ISCCR convidamos a todos os laicos da diocese, e en especial aos profesores de relixión, a asistir a estas xornadas, nas que analizaremos algo tan fundamental para a misión evanxelizadora como é a educación nos principios fundamentais da nosa fe.
