O Nuncio da súa Santidade, Bernardito Auza, anunciou esta mesma tarde, ao termo da Eucaristía coa que se abriu a Porta Santa da Catedral compostelá, a decisión do Santo Pai, o Papa Francisco, a través da Penitenciaría Apostólica, de prorrogar o Ano Santo Xacobeo recentemente inaugurado durante o ano 2022. Esta decisión adóptase debido ás extraordinarias circunstancias provocadas pola pandemia do Covid19.
Tras este anuncio, e antes de impartir a bendición final, o arcebispo compostelán, monseñor Julián Barrio, agradeceu ao Santo Pai Francisco esta decisión, que se adopta para que os fieis “saquen piadosos propósitos e forza espiritual de vida para testemuñar o Evanxeo, en comuñón xerárquica e filial devoción co Sumo Pontífice, fundamento visible da Igrexa católica e mestre propio dos sacros misterios”, tal e como reza o Decreto expedido pola Penitenciaría Apostólica.
