O Papa Francisco iniciou o pasado 10 de outubro en Roma un novo Sínodo de bispos, por iso, o próximo DOMINGO 17 ás 19:30 celebraremos na Catedral de Santiago a Misa de inauguración da fase sinodal diocesana. Con tal motivo, o Secretariado de Música Sacra da diocese invita a participar cantando nesta celebración a todos os laicos, relixiosos ou relixiosas que habitualmente xa o fan nas súas parroquias ou comunidades.
Para formar parte deste grupo só tes que escribir un correo electrónico a musicaarchicompostela@gmail.com co teu nome, apelidos e parroquia/movemento/congregación. Ao instante recibirás as indicacións necesarias (hora e lugar) para acceder ese día á Catedral; así como o libro da celebración cuns enlaces a Youtube para poder ensaiar os cantos pola túa conta no caso de que non os coñezas.
Anímate a participar cantando!
