Este martes, 3 de outubro, celebrouse no Palacio Arcebispal de Santiago de Compostela a reunión dos Ecónomos Diocesanos da Provincia Eclesiástica.
Tras recibir o saúdo do Vigairo Xeral, D. José Andrés Fernández Farto, procedeuse ao estudo, entre outros, dun documento que recolle un manual de boas prácticas do párroco en materia económica, que pretende ser un compendio de todos os asuntos que en materia económica afectan a calquera párroco.
A continuación, analizáronse os diferentes aspectos que afectan á organización do II Encontro de empresarios, que se pretende celebrar en abril do próximo ano e que está organizado pola provincia eclesiástica de Santiago.
En terceiro lugar, promoveuse a elaboración da memoria correspondente ao ano 2022 da provincia eclesiástica de Santiago que se pretende presentar por primeira vez, por parte dos Bispos de Galicia, no mes de decembro deste ano.
Por último abordáronse os diferentes aspectos organizativos do próximo encontro das comisións de sostemento e corresponsabilidade das diferentes Dioceses da provincia eclesiástica que terá lugar o próximo 21 de outubro no Seminario Maior de Santiago de Santiago.
