- O curso pode seguirse en liña ou de modo presencial na aula magna do ITC.
- O ISCCR ofrece a posibilidade de realizar unha “matrícula solidaria” que se destinará ao mantemento da infraestrutura telemática do centro
O Instituto Superior Compostelán de Ciencias Relixiosas acolle este mércores día 9 a segunda conferencia do Curso de Actualización Teolóxico-Pastoral que baixo o título xenérico: “A Igrexa en camiño co home entre as luces e sobras do mundo actual”, desenvolverase no primeiros catro mércores do mes de novembro.
Esta segunda charla correrá a cargo do xesuíta Alberto Domínguez Munáiz, diplomado en Psicoloxía Pastoral e experto en Dirección Espiritual. O seu título: “Esperanza: elemento fundamental dun ser humano vulnerable”.
O mércores 16 de novembro, o relator será o profesor de moral do ITC e do ISCCR D. Carlos Miramontes Seijas. A súa conferencia leva por título “John Main, camiño cara á creaturalidade”. Nela analizará a obra do monxe benedictino inglés falecido en 1982 e considerado como un dos mestres espirituais máis influentes do noso tempo.
Pechará o curso o mércores 23 de novembro o profesor de bioética e de Didáctica do Ensino Relixioso do ITC e do ISCCR D. Álvaro Lorenzo Rey coa conferencia “Abrir os ollos á realidade do suicidio: o primeiro paso”, onde analizará as causas deste fenómeno con especial incidencia na relación entre bullyng escolar e suicidio.
As conferencias desenvolveranse de 19 a 20:30 horas.
O evento poderá seguirse presencialmente, no salón de actos do Instituto Teolóxico compostelán (Praza. Inmaculada n. 5 – Santiago de Compostelán). Tamén se poden seguir as charlas en directo desde: https://link.itcdesantiago.org/catp
A matrícula realizarase na dirección:
https://link.itcdesantiago.org/matriculacion-catp
Como sempre, la asistencia a estas Xornadas é gratuíta. Pero o Instituto Superior Compostelán de Ciencias Religiosas ofrece a posibilidade dunha “matrícula solidaria” de 3 euros para colaborar ao mantemento dos equipos informáticos e a infraestructura precisa para realizar as emisións en liña en directo.