O arcebispo de Santiago de Compostela, monseñor Francisco Prieto realizou hoxe sábado, 13 de xullo, unha visita pastoral a Santa María de Añá, San Martiño de Ledoira e Santa Mariña de Gafoi. Son tres comunidades rurais, do Concello de Frades e do arciprestado de Ordes e Barbeiros.
Mons. Prieto coñeceu estas comunidades pequenas pero humanamente moi ricas, acompañado do seu párroco, Jenaro Blanco, de varios sacerdotes e do Vigairo de Santiago, Juan González Redondo. No transcurso desta visita recibiron o sacramento da confirmación catro persoas mozas. A visita deixou unha gran satisfacción entre estas xentes da ribeira do alto Tambre.
