O vindeiro sábado, día 18 de setembro, celebrarase o Día da Irmandade Obreira de Acción Católica – HOAC de Galicia, cunha serie de actos que terán lugar na Igrexa parroquial de Curtis e no centro de A Raíña. O bispo auxiliar, monseñor Francisco José Prieto, acompañará aos participantes neste encontró e presidirá unha Eucaristía. O programa da xornada é o seguinte:
Lugar 1º: Igrexa parroquial de Curtis
10:45 Acollida.
11:15 Oración
11:30 Presentación do día – Tema (“Tendendo pontes, derribando muros”)
12:15 Diálogo
12:45 Descanso
Lugar 2º: A Raíña – Cabrui (Curtis)
13:15 Eucaristía presidida por D. Francisco J. Prieto, bispo auxiliar de Santiago
14:15 Xantar compartido
16:00 Actividade ĺúdica
A Irmandade Obreira de Acción Católica é un dos movementos da Acción Católica. Trátase dun movemento para a evanxelización do mundo obreiro e do traballo.
Segundo se sinala dende a Irmandade Obreira de Acción Católica, “a Pastoral Obreira, tarefa de toda a Igrexa realizada por moitas persoas, movementos e grupos como Irmandades do Traballo, XOC, Relixiosas en Barrios, Equipos Parroquiais de Pastoral Obreira, é o conxunto de obxectivos, mediacións, actuacións e tarefas que teñen como fin a nosa encarnación no mundo obreiro e do traballo para:
- Anunciar a Boa Noticia.
• Denunciar a inxustiza e o pecado.
• Transformar a sociedade e as persoas coa forza do Evanxeo.
• Promover unha cultura da vida.
• Construír a Igrexa de Xesucristo no mundo obreiro e do traballo.
• Posibilitar a nosa conversión.
En comuñón e colaboración con eles, a HOAC realizamos este traballo misioneiro para a Pastoral Obreira, sendo un instrumento para colaborar co apostolado dos bispos, desde o protagonismo dos laicos, no mundo obreiro e do traballo”.