O xoves 2 de maio de 2024, no Hotel Oca – Porta do Camiño, en Santiago de Compostela, por primeira vez, as cinco dioceses da provincia eclesiástica de Santiago de Compostela —Lugo, Ourense, Mondoñedo-Ferrol, Santiago e Tui-Vigo— presentaron a «Memoria Económica e de Actividades da Igrexa en Galicia», correspondente ao ano 2022. Ao acto asistiron, ademais dos prelados da provincia eclesiástica — Mons. Francisco José Prieto, de Compostela; Mons. Fernando Cadiñanos, de Mondoñedo-Ferrol; Mons. Alfonso Carrasco, de Lugo; Mons. Leonardo Lemos, de Ourense; e Mons. Luis Quinteiro, de Tui-Vigo—, numerosas autoridades eclesiais e civís, así como profesionais dos medios de comunicación de Galicia.
Esta presentación é froito do traballo conxunto das cinco dioceses galegas que, nun exercicio de transparencia, quixeron dar conta do labor que a Igrexa católica desenvolveu na comunidade autónoma, durante o ano 2022. Ao mesmo tempo, os bispos poñen en valor o tempo, as calidades, a oración e o apoio económico de todas esas persoas que contribúen ao desenvolvemento do labor de la Iglesia en Galicia; nesta liña, na mensaxe introdutoria á «Memoria Económica e de Actividades» expresan o seu agradecemento «por esa historia de fe na nosa terra, que fixo posible tanta vida e xerou tanta esperanza ao noso ao redor. E damos grazas tamén a tantas persoas concretas que fixeron vida a súa fe».
Durante máis de dous mil anos, a Igrexa en Galicia transmitiu a mensaxe de Xesucristo nesta pequena porción de terra, transformando a vida de millóns de persoas a través de accións pastorais, evanxelizadoras, celebrativas, asistenciais, educativas e culturais. Cada xesto e cada acción falan da xenerosidade e entrega que os cristiáns de Galicia viven como don e tarefa. Por iso, mediante este acto de presentación da «Memoria Económica e de Actividades de la Iglesia en Galicia» do ano 2022, os bispos da provincia eclesiástica agradecen a contribución de todas as persoas que senten a Igrexa como a súa propia familia, á vez que solicitan «o necesario compromiso para que, corresponsablemente, levemos adiante a misión que nos foi confiada ao servizo dos homes, os nosos irmáns».
Sonia, Eva, Pablo, Yomira, Maite e Josetxo son os rostros do conglomerado de cifras que vertebran a acción da Igrexa en Galicia.
Testemuño de Sonia
Sonia, relixiosa mercedaria e mestra no colexio do Sagrado Corazón en Ferrol, é unha das 3.289 docentes que, durante o ano 2022, acompañou e formou a 50.856 alumnos nos 180 centros católicos concertados da comunidade autónoma.
Testemuño de Pablo
En total, 1.200 sacerdotes exercen o seu ministerio nas 3.644 parroquias da provincia eclesiástica de Compostela; exemplo diso é Pablo, sacerdote da diocese de Ourense, que, formando equipo con outro presbítero, está a cargo da cura pastoral dunha Unidade de Atención Parroquial na zona do Ribeiro. Xunto aos sacerdotes que se encargan de administrar os sacramento, 3.486 catequistas acompañan a nenos e mozos no seu proceso de formación para recibir os tres sacramentos de iniciación cristiá —Bautismo, Comuñón e Confirmación—. Durante o ano 2022, celebráronse en Galicia: 8.756 bautizos, 4.980 confirmacións e 10.055 primeiras comuñóns.
Testemuño de Maite e Josetxo
Hai máis de 20 anos, Maite e Josetxo responderon “si” á vocación matrimonial; unha vocación que, a pesar das dificultades, consolidouse grazas á Igrexa, que lles ofreceu unha rede de lazos e unha comunidade que lles sostén e anímalles a camiñar sempre cara ao futuro. Agora eles son axentes de pastoral que acompañan a outros matrimonios novos que deciden comprometerse para toda a vida. En total, no ano 2022, celebráronse en Galicia 1.429 vodas católicas.
Testemuño de Eva
A piedade popular é outra forma de manifestar a fe en Xesucristo. A comunidade galega conta con 38 celebracións e festas relixiosas de intereses turístico rexional e nacional. Desde o pasado ano 2023, o santuario de O Corpiño na diocese de Lugo celebra o Ano Xubilar. Eva, como membro da confraría da Virxe de O Corpiño, vela polo coidado da piedade popular como instrumento de evanxelización, desde o santuario lalinense.
