Esta fin de semana, o arcebispo de Santiago de Compostela, mons. Francisco Prieto, visitou as Parroquias da Capela (o sábado) e Barallobre, Sillobre, Perlio e Fene (o domingo). Ao longo destas dúas xornadas reuniuse coas comunidades parroquiais desta porción do Pobo de Deus que peregrina nesta zona da Diocese, acompañado en todo momento polo seu párroco, Gerardo Camacho.
Ao final da mañá de hoxe domingo, presidiu a Eucaristía en San Salvador de Fene, na que participaron fregueses das Parroquias que visitou.
A finalidade das visitas pastorais do arcebispo é múltiple e profundamente enraizada na misión pastoral da Igrexa. Durante estes encontros, mons. Francisco Prieto ten a oportunidade de coñecer e estar en contacto directo coas parroquias e comunidades da Arquidiocese, así como animar, revitalizar e impulsar a vida pastoral e a comuñón eclesial da gran familia diocesana.
