O bispo auxiliar, monseñor Francisco José Prieto, presidiu este mércores a Eucaristía de clausura do curso pastoral da Delegación Diocesana de Infancia e Xuventude. A Misa celebrouse na capela universitaria e a ela asistiron numerosos mozos que participaron ao longo do ano nas actividades organizadas por esta delegación que dirixe o sacerdote Javier García.
Ao termo da celebración eucarística, varios mozos deron testemuño das experiencias persoais vividas neste curso pastoral. Nun ambiente distendido, os mozos fixeron partícipe das súas vivencias ao novo bispo auxiliar. Monseñor Francisco José Prieto expresou ao termo do encontro a súa satisfacción por poder coñecer esta realidade diocesana e agradeceu a todos os mozos a súa asistencia.
