Ás 10:30 hs desta mañá deron comezo as vixésimo segundas xornadas de Teoloxía que desde 2001 leva organizando o ITC, e que se prolongarán ata o xoves día 7. Este ano o tema principal é “Traballando xuntos por un mundo mellor: Ciencia e Fe a debate”.
O saúdo inicial correspondeu ao Arcebispo de Santiago de Compostela, monseñor Francisco Prieto, que fixo referencia á relación necesaria entre Fe e Ciencia.
Tras a presentación das Xornadas por parte do profesor do ITC Gonzalo Rodríguez César, tivo lugar a primeira das Conferencias: “Repensar a relación entre Ciencia e Teoloxía na actualidade”, a cargo de Andrés Torres Queiruga, profesor emérito do ITC e da USC.
